Gabby Concepcion napagkakamalang BF ng anak na si KC: ‘Nakakahiya!’

KASABAY ng pagbati sa amang may birthday, may nakakalokang rebelasyon si KC Concepcion patungkol sa kanila ng kanyang ama na si Gabby.

Sa Instagram, masayang ibinandera ni KC ang isang compilation video ng ilang bonding moments nila ng ama.

Bungad niya sa caption, “It’s November, and that means celebrating the birth month of my sweet, kind, and guapo Papa love!”

“I thank God everyday for our effortless bond, and the chance He gave us to be closer than ever as father-daughter,” patuloy ng aktres.

Mensahe pa niya, “Always grateful for the parents God chose for me. I love you [white heart emoji].”

At kasunod nga niyan, ibinunyag ni KC na madalas pagkamalang boyfriend niya ang ama sa ibang bansa.

“People abroad sometimes think he’s my boyfriend when they catch us talking on video call, nakakahiya! Hahah,” chika niya sa dulo ng post.

Sa comment section, tila maraming netizens ang sumang-ayon dahil hindi raw tumatanda ang itsura ng batikang aktor.

May iilan naman ang nagsasabi na mukhang magkapatid ang mag-ama.

Narito ang mga nabasa naming komento:

“I thought napagkakamalan kayong siblings [grinning face with sweat emoji].”

“Pogi naman kasi ng tatay mo noh! [laughing, happy face with heart eyes, fire emojis]”

“Vampire kasi ang most handsome actor ng Philippine cinema! [red heart emojis]”

“Kasi naman….Gwapo talaga ni Mr. Concepcion!!! [laughing, happy face with heart eyes, fire emojis] Yes to Wellness [clapping hands, fire, red heart emojis].”

“Grabe naman kasi ‘di halata sa mukha age eh ‘di tumatanda. Happy birthday!”

Kung maaalala, noong October last year nang huling nagkasama sina Sharon Cuneta, Gabby at KC dahil sa ginanap na reunion concert ng dating mag-asawa.

Matatandaang ikinasal sina Sharon at Gabby noong 1984, pero hindi rin nagtagal ay nagkahiwalay sila at ang kanilang marriage annulment ay kinumpirma noong 1987.

Sa ngayon ay masaya na sila sa kanya-kanyang pamilya –si Sharon ay ikinasal kay dating Senador Kiko Pangilinan, habang si Gabby naman ay kay Genevieve Gonzales.