Kris Aquino to Mark Leviste: “Thank you for agreeing to my request to not post & keep our new relationship private. We are proof that LOVE comes when you least expect it.”
PHOTO/S: Courtesy: Instagram

Inamin at isinapubliko na ba ni Kris Aquino ang relasyon nila ni Batangas Vice Governor Mark Leviste?

Ito ay base sa makahulugang post ni Kris sa Instagram nitong nakaraang Sabado, May 20, 2023, kung saan nagpasalamat siya sa kanyang mga doktor, mga anak na sina Joshua Aquino at Bimby Aquino, mga kapatid, sa lahat ng mga kaibigan, at mga taong nagdadasal para sa kanya.

Ang huli niyang pinasalamatan sa kanyang video collage ay si “Marc.”

Wala namang ibang “Marc” na nauugnay kay Kris kundi ang pulitiko mula sa Batangas.

Ayon kay Kris, “Marc” ang tamang spelling ng pangalan ng Batangas vice-governor, ngunit sa social media accounts ng pulitiko at maging sa public records ay “Mark” ang ginagamit nito.

Si Mark ay palagi ring bumibisita sa Amerika kung saan nagpapagamot si Kris.

Sa unang bahagi ng kanyang pasasalamat kay “Marc,” sinabi ni Kris na palagi siyang nakikipaghiwalay rito dahil sa “long distance relationship” nila at sa mga obligasyon daw ng pulitiko sa kanyang trabaho.

Saad ng TV host, “I’ve been so unfair in not THANKING you enough for all your effort to be here whenever I need you, for all the times my past has made me so jaded that I keep breaking up with you all because I didn’t believe a long distance relationship stood a chance because of your job obligations, and because I need at least 2 cycles of 9 months each before I can hope to reach remission.

“Marc, I’m sorry for punishing you for what others have done to me. You are 100% correct, you’re not them. Contrary to what others may think it’s either you or Bimb taking all the pictures.”

Nagpasalamat din si Kris sa pagpayag nitong gawing pribado ang kanilang “new relationship.”

Gayundin sa labindalawang taon daw nitong pagpupursige.

Aniya, “Thank you for agreeing to my request to not post & keep our new relationship private. We are proof that LOVE comes when you least expect it.

“Thank you for your 12 years of perseverance. Whatever God decides for us, let’s please end up BEST FRIENDS for the rest of our lives?”

Sa gitna ng thank-you message ni Kris ay may nakasulat na ganito: “When you find both love and friendship in one person.”

Nag-iwan naman si Mark ng komentong “100 % at heart emoji.”

Tugon ni Kris, “@markleviste thank you. For being here.”

MARK LEVISTE’S SON CALLS KRIS AQUINO “MOMMY KRIS”

Mas lalo pang nabigyang linaw ang ugnayan nina Kris at Mark.

Sa Instagram pa rin, ikinuwento ni Kris na humingi sa kanya ng pabor ang anak ni Mark na si Conrado Antonio “C2” Leviste II ng isang campaign video para sa kanyang pagtakbo sa student elections sa La Salle Greenhills (LSGH).

Nagbiro pa nga raw ito sa kanyang ama na maaari raw ba niyang tawagin si Kris na “Mommy Kris.”

Pero dahil namumutla siya, minabuti ni Kris na si Jazz Nicolas ng bandang Itchyworms ang gumawa ng nasabing campaign video.

Kuwento ni Kris, “C2 very politely asked if I could endorse his candidacy to be the LSGH Grade 11 batch rep-unfortunately I woke up w/ a very low BP 85/59…

“I did take note that his platform included a promise that the ITCHYWORMS would perform at their prom, super cute what C2 said- ‘world class buffet. Itchyworms. Best Night of Our Lives. No further explanation needed.’

“Sabi nga: kung gusto may paraan, kung ayaw-maraming dahilan…

“He joked w/ his dad if ‘Mommy Kris’ could make him a campaign video, but since M.K. was pale, dizzy, and weak-Jazz was super NICE, straight from a delayed flight from a provincial gig-he took this video. I fell asleep… Bimb waited for the video & forwarded to C2.

“Thanks Jazz. My Thank You will arrive soon, care of the stage father of candidate Conrado Antonio Leviste II, S. [hearts emojis]”

“THANK YOU MY LOVE KRIS AQUINO”

Ibinahagi rin ni Mark sa kanyang Instagram ang campaign platform ng anak.

Dito ay tinawag niyang “my love” si Kris.

Caption ng pulitiko, “Walang Imposible kay @conradoleviste. Thank you idol @itchyjazz. Thank you my love @krisaquino [heart emoji] We’re all in for the win!

KRIS AQUINO-MARK LEVISTE CONNECTION

Unang nagkaroon ng hinala ang publiko na higit pa sa pagkakaibigan ang relasyon nina Kris at Mark dahil sa post ng huli noong January 3, 2023.

Nasa Amerika ang pamilya ng pulitiko noon para sa isang bakasyon, at dinalaw niya si Kris na kasalukuyang nagpapagamot doon.

Makikita rin sa mga larawan ang mga anak ni Kris na sina Joshua at Bimby.

Saad ni Mark sa caption ng kanyang post: “Spending the first day of the year with the Queen [yellow heart, sparkle emojis]”