Nagbahagi ng isang positibong mensahe si Carlos “Caloy” Yulo sa kanyang social media account kamakailan. Sa kanyang post, ibinahagi ni Caloy ang kanyang pananabik sa nalalapit na paglalakbay patungong Paris upang makasama ang mga miyembro ng Team Toyota sa Paralympic Games.

Mark Andrew Yulo, nagkomento sa post ni Caloy: “Dapat mag sorry ka sa nanay mo”
Source: Facebook

Ayon sa kanya, “Embarking on the journey to meet alike athletes that ‘started’ their impossible. I am excited to share more about my upcoming Paris trip to meet other Team Toyota members at the Paralympic Games!”

Sa kabila ng inspirasyong hatid ng post na ito, agad na nagkomento ang kanyang ama na si Mark Andrew Yulo. Sa kanyang komento, ipinahayag niya ang kanyang kasiyahan sa mga narating ng kanyang anak ngunit may paalala ito kay Caloy. “Masaya ako sa narating mo nak ☝️🥰 Pero dapat mag-sorry ka sa nanay mo na sinabihan mong magnanakaw ☝️🥰 para luminis yang imahen mo,” ani Mark Andrew.

Mark Andrew Yulo, nagkomento sa post ni Caloy: “Dapat mag sorry ka sa nanay mo”
Source: Facebook

Ang komento ng ama ni Caloy ay nagdulot ng iba’t ibang reaksyon mula sa mga tagasubaybay ng sikat na gymnast. Habang may mga sumang-ayon sa sinasabi ni Mark Andrew, may ilan namang nagtatanong kung anong isyu ang nag-ugat sa pagitan ni Caloy at ng kanyang ina. Patuloy ang pag-aabang ng mga netizen sa susunod na hakbang ni Caloy sa gitna ng kanyang tagumpay at ang usaping personal na ito.

Si Carlos Edriel Yulo ay isang kilalang gymnast mula sa Pilipinas na nagpakitang-gilas sa mga gymnastics competitions, lalo na sa floor exercise at vault. Bata pa lamang si Yulo nang magsimula siyang mag-ensayo, at nagkaroon siya ng pagkakataong mag-aral at magsanay sa Japan, kung saan higit pang nahasa ang kanyang kakayahan. Siya ang unang Pilipino na nagwagi ng gintong medalya sa World Artistic Gymnastics Championships noong 2019.

Matatandaang nag-post si Chloe San Jose ng mga larawan mula sa condominium ni Carlos Yulo.Ibinigay ng Megaworld ang P32 milyong condo bilang regalo kay Carlos dahil sa kanyang tagumpay. Pinuri naman ni Carlos ang bagong hairstyle ni Chloe sa social media. Umugong ang espekulasyon ng mga netizen na maaaring naninirahan na si Chloe sa condo ni Carlos.

Samantala, ibinulgar ni Chavit Singson na hindi na makontak ng pamilya niya si Carlos Yulo. Nag-alok si Singson ng P5-M pabuya para sa pagbabati-bati ng pamilya ni Yulo. Hinimok ni Singson si Caloy na unahin ang kanyang pamilya sa kabila ng tagumpay. Patuloy na umaasa si Singson na maaayos ang gusot sa pagitan ni Yulo at ng kanyang pamilya.