Janice de Belen’s “shookt” reaction goes viral after Vice Ganda did not notice her when the actress tried to get a piece of chicharon during “Mini Ms. U” segment of ‘It’s Showtime.’
PHOTO/S: Screen grab from It’s Showtime
Kinatuwaan ng netizens ang tila gigil na reaksiyon ni Janice de Belen dahil hindi siya nakakuha ng chicharong pinagsasaluhan ng It’s Showtime hosts sa segment na “Mini Ms. U” kahapon, August 23, 2023.
Isa si Janice sa mga hurado ng segment.
Sa nasabing segment, ang batang contestant mula sa Caloocan ay sasabak sa aktingan habang nasa hapag-kainan sila.
Ang ama ng bata ay may high blood kaya naman dapat daw sawayin ng contestant kapag kumain ito ng mga bawal.
Nang magsimula na ang aktingan portion, binuhat ni Vice ang isang bowl ng chicharon at ipinakain kunyari sa mga bisita ng pamilya ng bata.
Kumukuha na ang ibang It’s Showtime hosts, pero nang akmang kukuha na si Janice ay hindi siya napansin ni Vice kaya tila napahiya ang aktres.
Parang nanggigil ang mukha nito.
meme vice, lagot ka kay leona fiero hindi mo pinakuha ng chicharon HAHAHAHAHAHAHAHAHA @Super_Janice @vicegandako #ShowtimeCutieverse@itsShowtimeNa pic.twitter.com/4ks8Qoq9P9
— c (@Leonalionesxz) August 23, 2023
Matapos ang segment, nakarating kay Vice ang video ng nasabing eksena kaya kaagad siyang humingi ng paumanhin kay Janice sa segment na “Tawag ng Tanghalan.”
Nakaalis na si Janice ng studio matapos ang “Mini Ms. U” segment.
Aniya, “Bago ang lahat, gusto ko lang humingi ng paumanhin kay Ms. Janice de Belen. Nakita ko yung video. May part pala roon hawak ko yung chicharon inaalok ko sa kanila.
“Tapos kukuha si Janice, hindi ko siya napansin tapos tinanggal ko. Kitang-kita dun sa video, kalat na kalat sa Twitter… Janice, I love you! Hindi ko napansin, kumukuha ka pala ng chicharon.
“Oo. ‘Day, nagalit si Leona sa akin, pinagbabalakan na ako masama ni Leona ng Dirty Linen.”
Sa kanyang X account (dating Twitter), muling humingi ng dispensa si Vice sa aktres.
Aniya, “Oh my gooossshhh di ko nakita kukuha pala si Janice! Waaahhh!!!! Im sorry Janice! Love u! #ShowtimeCutieverse”
Oh my gooossshhh di ko nakita kukuha pala si Janice! Waaahhh!!!! Im sorry Janice! Love u! #ShowtimeCutieverse https://t.co/5hzzL98u4u
— jose marie viceral (@vicegandako) August 23, 2023
Dagdag pa niya, “Natatakot ako sa mga maaaring gawin sakin ni Leona! Tulungan nyo ko!”
Natatakot ako sa mga maaaring gawin sakin ni Leona! Tulungan nyo ko! https://t.co/HiR97LB5z6
— jose marie viceral (@vicegandako) August 23, 2023
Pabirong sagot naman ni Janice sa pangalawang mensahe ni Vice sa X, “At ngayong alam na ng lahat ako ang pumatay kay olivia! Humanda ka na!!!”
