Aminado ang komedyanteng si Vice Ganda na isa ang host na si Allan K sa mga dahilan kung bakit siya mas lalong nag-sumikap sa buhay.

Inamin ni Vice na sobrang na-inspire siya kay Allan K matapos siyang maka-punta sa bahay nito, gandang-ganda umano siya sa napatayong bahay ni Allan kaya mas lalo siyang nag-sumikap sa buhay.

Allan K, inspirasyon ni Vice Ganda

Sa isang panayam, naitanong sa komedyante kung sino-sino ang mga inspirasyon niya sa mundo ng showbiz dahilan upang makamit niya ang tagumpay na tinatamasa niya sa kasalukuyan.

Sagot Vice : “Marami. Si Regine Velasquez, inspiration ko ‘yan. ‘Yung mga nauna sa akin sa industry, sila John Lapus, sila Allan K.

“Inspiration ko sila, lalo na si Allan K, dinala niya kasi ako once sa bahay niya. Nagsisimula pa lang ako, tapos, gandang-ganda ako sa bahay niya.

“Tapos sabi ko, ‘ang ganda naman nitong bahay na ‘to.’ Tapos may swimming pool siya. Tapos sabi ko, ‘hindi ko na maa-achieve ‘to. Sabi kong ganu’n.

“Tapos sabi niya (Allan K) ‘maa-achieve mo ‘yan, baka nga more pa. sabi niyang ganu’n. tapos parang na-inspire ako masyado,” pahayag ni Vice.

Mensahe ni Vice Ganda sa batang siya

Naitanong rin kay Vice kung ano ang magiging mensahe niya sa ‘batang siya’ matapos niyang nakamit ang kanyang mga pangarap at nag-tagumpay sa mundo ng showbiz.

Ani Vice : “Du’n sa young ako, iko-congratulate ko siya. Congratulations kay Tutoy (palayaw noon ni Vice) because eversince you believed that you are limitless.

“May yabang kasi si Tutoy, eh. Pinanghawakan niya yun, tapos marami siyang pangarap.

“Si Tutoy never na-satisfy kaya congratulations dahil yung pagiging ambisyosa mo may pinagdalan sa yo sa mga sumunod na taon ng buhay mo kaya congratulations sa ‘yo!” dagdag ng komedyante.

Vice Ganda, MMFF latest award

Sa nagdaang 2024 Metro Manila Film Festival (MMFF), nasungkit ni Vice Ganda ang award na ‘Special Jury Citation’ noong December 27.

Ito ay para sa natatangi niyang performance sa pelikulang ‘And the Breadwinner Is…‘.