Carlos Yulo masayang ibinahagi ang kanyang plano para sa hinaharap kasama ang kanyang kasintahang si Chloe San Jose. Ayon sa mga ulat, nais na ni Carlos na magpakasal kay Chloe sa taong 2025 at, kasabay nito, masaya silang nagbabalak na magka-baby pagkatapos ng laban ni Carlos sa 2028 Los Angeles Olympics.

Sa isang interview, sinabi ni Carlos, “Maybe next year and have children maybe after I compete in LA. We want to get married next year.” Ang pahayag na ito ay nagpapakita ng kanyang matibay na hangarin na mag-settle down na kasama ang kanyang kasintahan at bumuo ng kanilang sariling pamilya.

Habang excited na si Carlos sa posibilidad na magka-baby, lumitaw naman ang tanong ng mga netizens: handa na ba ang kanyang ina, si Mommy Angelica Yulo, sa magiging bagong papel bilang lola? Alam ng marami na mayroon nang isyu sa pagitan ni Chloe at ni Angelica Yulo, kaya’t ito ay naging isang usap-usapan online. May mga nagsasabi na baka maging hamon ang kanilang relasyon sa pagdating ng mga plano ni Carlos at Chloe, ngunit sa kabila ng mga kontrobersya, nananatili pa rin ang tiwala ng magkasintahan sa kanilang mga plano.