Liza Soberano

FRESH na fresh pa rin sa isip ni Liza Soberano nang malasing sa pinuntahang music festival ilang taon na ngayong ang nakararaan.

Feeling ng Filipina international actress, iyon na raw ang magiging katapusan ng kanyang showbiz career lalo pa’t nagsisimula na noon ang loveteam nila ni Enrique Gil.

Pagbabalik-tanaw ni Liza, sobrang nalasing siya habang nag-eenjoy sa Wavy Baby Music Fest na ginanap sa Cebu noong January, 2013.

Kaya naman noong dinumog siya ng mga fans ay pinilit niyang magkunwaring hindi bangenge dahil baka manega siya sa publiko at mabalita ang kanyang paglalasing.

Naichika ni Liza ang tungkol dito sa isang YouTube vlog ng American rapper na si Jonnie Park kung saan nakasama rin niya ang direktor nila sa Hollywood movie na “Lisa Frankenstein” na si Zelda Williams.

Sa mga hindi pa aware, si Zelda na isa ring aktres ay anak ng yumaong Hollywood actor na si Robin Williams. Kasama rin ni Liza sa kauna-unahang niyang international film sina Cole Sprouse at Kathryn Newton.

Ayon kay Jonnie Park, nasaksihan daw niya kung paanong pagkaguluhan ng mga fans si Liza sa naturang music festival. Du’n daw niya napatunayan kung gaano kasikat sa Pilipinas ang dalaga.

“All these young kids mobbing you,” ani Jonnie kay Liza. Twenty-five kids on this island, like, chasing after her. It was crazy. And as she was sailing away on a boat she was waving,” chika ni Jonnie.

“It was actually such a beautiful moment. I was honestly very drunk. I was very drunk!” simulang rebelasyon ni Liza.

Ngunit kahit bangenge na, talagang sinubukan ni Liza na umastang hindi lasing, “I was, like, ‘Put yourself together, you’re supposed to be a role model.’

“So I was, like, stumbling, but being, like, ‘Hi, I’m definitely not drunk right now,’” pagbabalik-tanaw ng tumatawang si Liza.

Pagbabalik-tanaw pa ni Jonnie, after ng music fest na ginawa sa isang isla sa Cebu, sumakay na sina Liza sa bangka pabalik sa siyudad.

“There must be like 50 kids. They were mobbing her. They were so cute,” chika ni Jonnie.

Reaksyon naman ni Liza, “I was really nervous. I was, like, ‘Oh my gosh, if they get a video of me drunk, my career is over.”

Hirit uli ni Jonnie, feeling daw niya ay isang “drunk Mother Theresa” si Liza habang pinagkakaguluhan ng mga fans. Kaya nga raw parang nakukunsensiya si Liza sa nangyari.

Pero payo ni Zelda sa kanya, walang dahilan para ma-guilty siya dahil tao lang din siya tulad ng lahat. “No person is perfect,” sey ni Zelda.

Paliwanag naman ni Liza, tinuruan daw kasi siya kung paano kumilos at magsalita kapag nasa harap ng publiko pero nang magpakatotoo siya sa kanyang nararamdaman, na-bash naman siya nang bonggang-bongga.

“Before, I would try to be as perfect as possible. I would never talk about anything negative.

“I was actually told not to talk about anything negative or talk about my real life and my struggles,” aniya.

Ngunit aniya, “That’s not reality, that’s not real. Nobody can sustain just by being happy, successful, busy or whatever all at once.

“When I did start becoming more honest, that’s when I started getting more hate. It felt like my most honest self isn’t worthy of this love, and attention, and appreciation from people,” sabi ng dalaga.

Sa huli, nabanggit niya ang mga katagang, “At all times, I’ve decided to be as honest and authentic as I can be, not only for myself but for the people watching me.

“Because whether they like me or not, at least what they’re seeing is my most authentic self, and me trying my best to contribute something to society in a positive way,” paliwanag ni Liza Soberano na balitang may kasunod agad na international project after “Lisa Frankenstein.”