Barbie Forteza, Jak Roberto hiwalay na: May you find the love you deserve

KAPAPASOK pa lamang ng Bagong Taon ay isang malungkot na balita na agad ang sumalubong sa mundo ng showbiz — hiwalay na sina Barbie Forteza at Jak Roberto.

Ngayong araw, January 2, kinumpirma ni Barbie na totoong naghiwalay na sila ng kanyang boyfriend na si Jak matapos ang pitong taon nilang relasyon.

“’Don’t cry because it’s over. Smile because it happened – Dr. Seuss,’” ang simulang caption ni Barbie sa kanyang IG post.

Pagpapatuloy niya, “Having you in my life was the happiest I had ever been. Seven wonderful years. A lot of laughs, a lot of ramen and so much love.

Pinasalamatan din niya ang aktor sa pitong taong pinagsamahan nila at sa pagmamahal na natanggap niya mula sa nakahiwalay na boyfriend.

“Thank you for loving me the way you did. I am excited for what’s to come for the both of us. You take care of yourself. May you find the love you deserve.

“I hope for everyone’s understanding and I wish you can help us put this matter to rest,” ang kabuuang mensahe ng “Pulang Araw” star.

Wala namang ibinigay na dahilan si Barbie kung bakit sila biglang naghiwalay ni Jak.

Sa Instagram page naman ni Jak ay wala siyang post about the breakup. Ang huling post niya ay one day ago kung saan masaya pa niyang sinalubong ang New Year.

Last December 3 naman ay may ipinost siyang picture nila ni Barbie na kuha sa kanyang birthday celebration  sa isang restaurant at may caption itong, “My loving supportive Madam.”