John Estrada nagsalita na sa isyu nila ni Barbie Imperial
Imbiyerna si John Estrada sa pang-iintriga sa kanila ni Barbie Imperial gayon hindi naman niya ito personal na kakilala.
Hindi ma-gets ni John Estrada kung saan galing ang intriga sa kanila ni Barbie dahil hindi naman niya ito personal na kilala.
“Unang Una Hindi ko alam kung Sino o Saan nag simula ang Kalokohan na to, na naglilink sa amin ni barbie imperial.
“Hindi ko po kilala si barbie imperial, kilala ko sya Bilang isang Artista pero hindi po sa personal na lebel,” ani John.
Dagdag pa ni John, “sa talam buhay ko, minsan ko lang lang ho sya nakita sa xmas special ng abs cbn ng 2021 or 2022, at yun na ho ang huling pagkikita namin sa naalala ko,” aniya.
Bagamat magkasama sila sa Batang Quiapo, hindi naman aniya sila magkasama ng unit at hindi naging magka-eksena.
“totoo po mag kasama kame sa Batang Quiapo pero ni minsan e HINDI kame nagkita dahil po iba ang grupo nya, unit, at direktor nya, kung sino man nag simula nito e puede ka maging komedyante,” pahayag pa ni John.
