Paghakot ng medalya ni Karl Eldrew Yulo sa Thailand kinilala ng Adamson

IBINANDERA ni Angelica Yulo ang ginawang pagkilala ng Adamson University sa kanyang anak na si Karl Eldrew matapos humakot ng medalya sa larangan ng gymnastics.

Proud na proud siyempre ang nanay ni 2-time Olympic gold medalist Carlos Yulo sa tagumpay ni Karl Eldrew sa sinalihang international sports competition.

Nakapag-uwi ng gold at silver medals ang nakababatang kapatid ni Caloy sa 3rd JRC Artistic Gymnastics Stars Championships 2024 na ginanap sa Bangkok, Thailand nitong nagdaang November 1 hanggang 3, 2024.

Hinakot ng binata ang apat na gintong medalya mula sa Individual All Around, Floor Exercise, Still Rings at Vault categories.

Dalawang silver medal naman ang kanyang napanalunan mula sa Parallel Bars at Team category.

Ni-reshare ni Angelica ang naka-post sa Facebook account ng Adamson, kung saan makikita nga ang courtesy call ni Karl Eldrew sa pangulo ng nabanggit na unibersidad.

Sa ilang litratong naka-post sa nasabing FB page ay nakasama rin ni Eldrew ang kanyang nanay na si Angelica at nakababatang kapatid na si Elaiza Yulo.

“Falcon Gymnast Karl Jahrel Eldrew Yulo paid a courtesy visit to the University President this morning.

“Eldrew won 4 Gold Medals and 2 Silver Medals in the 3rd JRC Artistic Gymnastics Stars Championships 2024, Bangkok Thailand,” ang bahagi ng post ng unibersidad.

Kasalukuyang nasa Grade 11 ng Adamson University si Karl Eldrew.

Nauna rito, ibinandera rin ng ama ni Karl na si Mark Andrew Yulo ang pagkapanalo ng anak sa JRC Artistic Gymnastic Stars Championships 2024.

Sa pamamagitan ng Facebook, binati ni Mark Andrew si Eldrew matapos humataw sa individual. Ni-repost ng tatay ni Eldrew ang video clip ng “winning moment” na naka-post sa FB page ng anak na naging dahilan ng pagkapanalo nito sa naturang sports event.

Ang nakalagay sa caption ng post ng nakababatang kapatid ni Carlos, “ELDREW’S FLOOR SHINING MOMENT…

“Let’s take a look at Eldrew’s incredible performance in his floor exercise routine, which showcased his outstanding gymnastics skills and earned him a GOLD MEDAL. #eldrewyulo #kgmanagement.”

Mababasa naman sa FB status ni Mark Andrew ang mensaheng, “Tahimik mong ipanalo ang mga pangarap mo Anak Karl Jahrel Eldrew Yulo.

“Naway gabayan ka nang Maykapal sa inyong mga Laban.

“Dito lang Kame nang Mama mo. Apir!” ang buong post ng tatay ni Eldrew.