Toni Gonzaga nakipag-meeting kay Charo Santos, babalik na sa ABS-CBN?

IBA’T IBA ang naging reaksyon ng netizens sa muling pagtatagpo nang personal ng premyadong aktres at dating presidente ng ABS-CBN na si Charo Santos at ni Toni Gonzaga.

May mga natuwa pero meron ding na-bad trip nang i-post ni Toni sa social media ang pagkikita nila ni Charo Santos, kasama ang mister niyang si Paul Soriano last week.

Mababasa sa caption ng Facebook post ng TV host-actress at content creator, “Missed you, Ma’am Charo Santos! Great meeting and lunch with you.”

Maraming nagkomento sa post ni Toni kabilang na ang sisteraka niyang si Alex Gonzaga na nagsabing “exciting” ang pagkikita ng kanyang ate at ni Charo.

Sey ng ilang FB users, mukhang may nilulutong project ang dalawang celebrities at talagang na-miss na raw nilang mapanood muli sa TV si Toni at halos lahat ay nagtatanong kung babalik na siya bilang host ng “Pinoy Big Brother” ng ABS-CBN.

But as expected, may mga nangnega at nam-bash kay Toni at nagsabing  nagmamakaawa raw itong makabalik sa Kapamilya Network matapos ang kontrobersiyal niyang pag-alis sa ABS-CBN noong 2022.

Ito’y dahil sa pagkampi umano ng TV host-actress sa ilang politician na may kinalaman sa pagpapasara sa ABS-CBN taong 2020.

after biting the hands that fed you, after the “unity”, after the “shabay shabay”
Samantala, may balita namang si Charo Santos daw ang nagpatawag kay Toni para magkita sila at makapag-meeting nang face to face.

Pero walang makapagsabi sa amin kung ano talaga ang dahilan ng pagkikita ng dalawang aktres at kung babalik na nga ba si Toni sa ABS-CBN. Narito ang ilan sa mga comments ng netizens.

“Wow nman!!sana ikaw na Toni Gonzaga maging host ng Pilipinas Got Talent.”

“Wishing Toni to be back to Kapamilya, a very smart host!”

“Baka iaadopt na ni abs ung Toni talks vlog nya .charrizz I can’t wait to see her hosting again sa abs cbn kung babalik sya.”

“Marami ng pera yan kahit di na yan mag trabaho..ibigay sa mas deserving.”

“Batang Quiapo naba? Haha!”

“After biting the hands that fed you, after the “unity”, after the ‘shabay shabay.’”

“Magaling syang host hindi madaldal nabibigyan ng maraming airtime magsalita ang guest marunong din sya makinig sa guest… di Gaya ng dalawang batikang host mas madaldal pa sila kesa sa iniinterview.”

Kayo mga ka-BANDERA, excited na ba kayo sa sinasabing pagbabalik ni Toni sa Kapamilya Network? Comment na guys!