Sinabi ng OPM duo na sina Leanne Mamonong at Naara Acueza, kilala bilang Leanne & Naara, nitong Huwebes na pareho nilang napagdesisyunan na “manatili sa relasyon na ito” sa kabila ng mga tsismis ng hiwalayan.

“Dear Leanne & Naara fans, ni minsan ay hindi namin inakala na darating kami sa puntong ito. Pero narito na kami,” sabi ng dalawa sa kanilang pahayag.

“Maaring inisip niyo na napagod na kami sa paghabol sa pangarap na ito, na baka sa wakas ay natauhan na kami matapos halos isang dekadang tawaging ‘underrated’ na duo,” dagdag pa nila.

Gayunpaman, inamin nila na dumaraan sila sa isang mahirap na panahon at nangakong gagawa ng musika kapag handa na sila.

“Narinig namin kayo at nauunawaan namin ang inyong mga alalahanin. ‘Nag-break na ba ang Leanne & Naara?’ ay mga salitang hindi niyo na kailangang sambitin pa. Ngayon, sasamahan niyo na kami magpakailanman, at wala na kayong choice,” sabi nila.

“Pakisuyo, igalang ang aming privacy sa panahong ito ng pagsubok. Gagawa kami ng bagong musika kapag nahanap na namin ang lakas.”

Ang mga naunang post nina Leanne & Naara ang nagpasiklab ng mga espekulasyon online na sila’y naghiwalay na.