Kampo ni Kathryn Bernardo pinabulaanang aalis ng Star Magic ang aktres
Pinabulaanan ng kampo ni Kathryn Bernardo ang iniulat ng PEP Troika tungkol sa pinag-uusapang pag-alis umano ng aktres sa Star Magic, ang talent management arm ng ABS-CBN, at sa Crown Artist Management (CAM) na raw siya magpapa-manage.
Ang CAM ay pinamamahalaan ng mag-asawang Maja Salvador at Rambo Nuñez.
Read: Kathryn Bernardo lilipat na sa Crown Artist Management nina Maja at Rambo?
Napag-alaman ng PEP Troika na nakipag-meeting ang mga namumuno ng Star Magic sa Kapamilya actress ngayong Miyerkules, January 24, 2024.
Matagal na raw naka-schedule ang meeting na ito sa tahanan ni Kathryn, at nagkataon lang na may mga nabulabog nang lumabas ang balitang pag-alis ng aktres sa Star Magic.
May ilang malapit na kaibigan ng pamilya ni Kathryn ang sinabihan daw ni Mommy Min Bernardo, ina ng aktres, na mananatili ang kanyang anak sa Star Magic.
Kaya wala raw katotohanan ang bali-balitang lilipat ng talent management si Kathryn.
Tinanong din ng PEP Troika si Rambo, ang CEO ng Crown Artist Management. Wala raw siyang maibigay na statement kaugnay sa isyung yan.
Aniya, “I really don’t have any statement because I’m not aware of anything regarding that.”
Masaya na lang ibinalita ni Rambo na five months pregnant na si Maja, kaya medyo nagbabawas na raw sila ng mga trabahong tinatanggap.
Ini-release lang daw nila nung Martes, January 23, ang bagong single ng asawa niyang pinamagatang “Sugal.” Nasa Spotify na raw ito ngayon.
Hindi pa raw nila kung ano ang gender ng baby na ipinagbubuntis ni Maja kaya hindi pa raw nila pinag-uusapan kung meron at kung kailan ba ang gender reveal.
NOEL FERRER
Napag-alaman din ng PEP Troika na binigyan na raw ng bagong handler si Kathryn, dahil umalis na ang dating handler nitong si Ms. Lulu Romero sa Star Magic.
Pero nandiyan pa rin daw ang dating handler para makipag-negotiate sa inquiries para kay Kathryn. Hindi lang daw nila alam kung ano na ang usapan kina Kathryn at Lulu.
Ganyan naman daw ang set-up sa ibang dating talents ng Star Magic, kagaya ni Jericho Rosales na bumuo na ng sarili niyang team.
Pero si Mr. Allan Real ng Star Magic pa rin daw ang nakikipag-negotiate para sa aktor, katuwang si Tita Marilez Elizalde na kasama sa Team ni Echo.
JERRY OLEA
Pasabog ang paghihiwalay ng KathNiel makalipas ang labing-isang taon.
Dawit sa hiwalayan si Andrea Brillantes. Ang mga pag-a-unfollow sa Instagram ay may ipinapahiwatig.
Tingnan natin kung ano ang epekto sa career nina Kathryn, Daniel, at Andrea ng mga kaganapan.
Tingnan natin kung kukunin pa ba silang mag-endorso ng mga produkto, at kung tatangkilikin ba ng publiko ang kani-kanyang proyekto.
Interesado ang isang movie producer na kuning bida si Andrea sa isang mapangahas na pelikula. Abang-abang tayo kung kung matutuloy ito.
Gagawa pa ba ng teleserye si Kathryn?
Level up ang pagiging aktres ni Kathryn, at bagay sa kanya iyong tipo ng papel ni Kim Chiu sa Linlang.
Ano kaya kung pagsamahin sa isang drama series o pelikula sina Kathryn at Andrea?
