Isang nakakagulat na rebelasyon ang inihayag ni Chloe San Jose tungkol sa alitan ng pamilya Yulo. Ayon mismo sa nobya ni Carlos Yulo, isinumpa umano ni Angelica Yulo ang sarili nitong anak bago pa man ginanap ang Paris Olympics 2024.

Ang pagbubulgar na ito ni Chloe ay bilang sagot sa komento ng ama ni Caloy na si Mark Andrew sa post ng Olympic medalist, kung saan pinaalalahan nito ang anak na magsorry sa ina para gumanda ang imahe sa madla.

Sa tono ni CHloe may duda pa siya kung mismong si Mr. Yulo ang nag-iwan ng komentong ito sa post ni Caloy. Gayunpaman, sinabi ni Chloe ang ilang bagay bilang pagtatanggol sa nobyo na nasisira na ang pangalan.

Ayon kay Chloe, sinumpa umano ni Angelica Yulo ang sarili nitong anak at sinabihan na gagapang ito sa lupa.

“Pasensya na po kayo tito, alam ko po na hindi po ikaw ang nag comment nito. pero kung gusto niyo po talaga ng ganito, bat hindi niyo din po sabihin na sinumpa po siya ni tita angge na gagapang si caloy sa lupa before po siya mag qualify sa olympics last year… [smiley].

“Sinabi pa po niya na kahit ilang rosaryo pa ang ipadala niya kay caloy ay hinding hindi na po mananalo si caloy.

“Kinuwento pa po sakin ni caloy before siya lumipad po sa olympics na sinabihan niyo po siyang galingan niya at ipagdarasal niyo po siya para pag nanalo po siya eh wala na silang masabi po jan sa bahay. dahil ang sabi niyo po kay caloy ay marami po kayong naririnig na hindi magagandang salita sakanila.

“Matagal na panahon at ilang beses na po kami nag sorry ni caloy at nag try makipag usap po sainyong lahat, pero bakit po ganito? pero wala na po yun tito eh, nakapag patawad na po kami and we’re always praying for you po. godbless us all po, let’s all pray na lang po for healing, guidance and love from HIM.”