– Hindi nag-atubili si Vice Ganda na magtanggal ng kanyang wig upang ipadama sa kalahok sa Expecially for You na si April

– Ani Vice, hindi na siya taong affected sa mga taong napapangitan sa kanya pag wala syang wig

– Dagdag pa niya, may wig o wala, alam niyang may mga nagmamahal sa kanya

– Hindi napigilan ni April na maiyak at maging ang mga studio audience ay naging emosyonal din

Isang emosyonal na tagpo ang naganap sa “Expecially for You” segment nang nagpakita ng suporta si Vice Ganda sa isang kalahok na nagngangalang April. Si April ay may alopecia at hindi nag-atubili si Vice Ganda na magtanggal ng kanyang wig bilang simbolo ng pakikiisa.

Vice Ganda, nagtanggal ng wig para suportahan si April

Vice Ganda, nagtanggal ng wig para suportahan si April Source: Instagram Ayon sa WebMD, ang alopecia ay isang kondisyon na nagdudulot ng pagkawala ng buhok, kadalasan sa anit, ngunit maaari rin itong makaapekto sa ibang bahagi ng katawan. Maaaring magdulot ito ng maliliit na kalbong bahagi, kabuuang pagkawala ng buhok sa anit, o kahit kabuuang pagkawala ng buhok sa buong katawan. Bagaman hindi ito nakamamatay, maaaring magdulot ng emosyonal at sikolohikal na epekto ang kondisyon sa mga taong apektado nito.

Sa isang makabagbag-damdaming pahayag, sinabi ni Vice Ganda, “Hindi na ako affected sa mga panget na panget sa akin pag walang wig… May wig o wala may nagmamahal dito no, bukod kay Ion mahal ako ng nanay ko, mahal ako ng mga kapatid ko, mahal ako ng pamilya ko, mahal ako ni Lord.”

https://www.facebook.com/photo.php?fbid=1065956664894106&set=a.391486882341091&type=3&ref=embed_post

Ang eksenang ito ay nagdulot ng matinding emosyon sa lahat ng nasa studio. Si April ay hindi napigilang maiyak dahil sa ginawang suporta ni Vice Ganda, at maging ang mga studio audience ay naging emosyonal din. Marami ang nagbigay ng palakpakan at luha ng tuwa sa pagkilos na ito ni Vice Ganda.

Pinatunayan muli ni Vice Ganda na ang tunay na kagandahan ay hindi nakikita sa panlabas na anyo kundi sa kabutihan ng puso. Ang kanyang ginawa ay isang inspirasyon sa marami na yakapin ang kanilang tunay na sarili at maging matapang sa harap ng mga pagsubok.

Si Vice Ganda ay isa sa pinakasikat na komedyante at TV host sa kasalukuyan. Nakilala siya sa kanyang husay sa pagpapatawa at mga pelikulang kadalasan ay tumatabo sa takilya. Kabilang din siya sa noontime show na It’s Showtime na 13 taon nang napapanood sa ABS-CBN. Bukod sa kanyang pag-aartista, siya rin ay nagmamay-ari ng beauty products na Vice Cosmetics.

Kinaaliwan si Kim Chiu matapos ibuking ni Vice Ganda na konting kibot daw naiiyak si Kim Chiu.

Kinaaliwan din ang biruan nina Vice Ganda at Jhong Hilario sa Isip Bata segment ng It’s Showtime. Pabirong sinabi ni Vice Ganda sa madlang people na i-mass report si Jhong.