Kinilala ang natatanging pagganap ni Piolo Pascual (kaliwa) para sa 2023 MMFF movie na Mallari, habang si Julia Montes (kanan) ay nanalo para sa pelikula niyang Five Breakups And A Romance.
JERRY OLEA
Tabla na naman ang best actress sa The EDDYS o Entertainment Editors’ Choice ng Society of Philippine Entertainment Editors (SPEEd)!
Sa 6th The EDDYS last November 2023 sa Aliw Theater ay tabla bilang best actress sina Janine Gutierrez (Bakit Di Mo Sabihin?) at Max Eigenmann (12 Weeks).
Sa 7th The EDDYS nitong Hulyo 7, 2024, Linggo, sa Ceremonial Hall ng Marriott Grand Ballroom, Pasay City, stalemate bilang best actress sina Julia Montes (Five Breakups And A Romance) at Charlie Dizon (Third World Romance).
ACTING WINNERS
Sa acting winners ng 7th The EDDYS, bukod-tanging si Charlie ang absent. Nag-best actress na si Charlie sa 4th The EDDYS (online edition) noong Abril 2021 para sa Fan Girl.
