Muling nabuhay ang issue tungkol sa pagkakaroon ng love child nina Coco Martin at Julia Montes.

Ito ay matapos mag-viral ang latest photo ng 39-year-old FPJ’s Ang Probinsyano star nitong Biyernes, December 25.

Ang picture ay naka-post sa Instagram fan page ni Coco na @mycocomartin, kung saan naka-follow si Julia, 25.

Kuha ang litrato sa kusina ng bahay ng aktor habang naghahanda siya ng pagkain para sa Noche Buena nitong December 24.

Sa picture, ngiting-ngiti si Coco sa pagkakatingin sa camera habang nasa harap niya ang gagawing roasted pig.

THe BABY FEEDING BOTTLE IN COCO MARTIN’S BACKGROUND

Pero mas napansin ng eagle-eyed netizens ang blurry background sa litratong iyon ni Coco.

Agaw-eksena para sa kanila ang kulay lime green na baby feeding bottle na nasa kitchen counter sa likuran ng aktor.

Naintriga ang netizens kung bakit may baby feeding bottle sa kusina ni Coco.

Ang fans naman ng dating love team nina Coco at Julia, mabilis na iniugnay kay Julia ang nabanggit na feeding bottle.

Sa Instagram fan page ng shippers nina Coco at Julia, ibinahagi nila ang isang lumang Instagram Story ng kapatid na lalaki ni Julia.

Taong 2019 pa raw kuha ang litrato, kung saan magkakahalong nakapatong sa dining table ang sari-saring pagkain, isang coffee mug, ilang baso, at mga wine bottles.

Kaagad mapapansin sa bandang gitna ng dining table, kahilera ng mga baso, ang isang lime green baby feeding bottle.

Ang kulay at disenyo ng feeding bottle ay parehong-pareho ng nasa kitchen counter ni Coco.

THE GLASSWARES IN JULIA MONTES AND COCO MARTIN’S POSTS

Bukod sa feeding bottle, iniugnay rin ng fans kay Julia ang glasswares na nasa dining table set-up sa isa pang litrato ni Coco nitong December 24.

Ang nabanggit na picture ay naka-post din sa Instagram fan page ng Kapamilya actor.

Giit ng fans, ang glasswares na gamit ni Coco noong Noche Buena ay parehong-pareho ng nasa Instagram Story ni Julia ilang araw na ang nakalipas.

CONTINUE READING BELOW ↓

WATCH: New:ID on PEP Live!

Tagged ni Julia sa post niyang iyon ang isang home accessories brand.

Sa pagsilip sa Instagram page ng home accessories brand na may shoutout ni Julia, makikitang ang Christmas-themed plates nito ay katulad ng mga platong nasa dining table ni Coco.

Ipinahihiwatig ng fans na magkasama raw nag-Noche Buena sina Coco at Julia.

Hindi naman imposible ito dahil magkapitbahay lang ang dalawa sa isang private subdivision sa Quezon City.

At kung ikokonsidera ang nakakaintrigang baby feeding bottle, ipinahihiwatig ding kasama nina Coco at Julia ang kanilang anak sa pagdiriwang ng Christmas Eve.

COCO AND JULIA’S BABY

October 2018 nang biglaang magpahinga sa showbiz si Julia kasunod ng pagtatapos ng teleserye niya sa ABS-CBN na Asintado.

Kasunod nito, nagpunta sa Germany si Julia upang makapiling doon ang ama niyang German.

Pagsapit ng huling linggo ng March 2019, pumutok ang bali-balitang nanganak si Julia.

Si Coco raw ang ama ng bata.

Makalipas ang ilang araw, kinumpirma ng ilang industry insiders sa PEP.ph (Philippine Entertainment Portal) na isinilang nga ni Julia ang baby nila ni Coco.

Pero sa Cardinal Santos Medical Center sa San Juan City, at hindi sa Germany, nanganak ang aktres.

Hanggang ngayon, hindi kinumpirma, pero hindi rin itinanggi, ng sinuman kina Coco at Julia ang tungkol sa pagkakaroon nila ng anak.