casting changes in film and tv shows

Some of the casting changes in movies and TV shows include (top, from left) Marian Rivera and Sanya Lopez in First Yaya, Aljur Abrenica and Coco Martin in Apag; (bottom, from left) Nadine Lustre and Bela Padilla in Miracle In Cell No. 7, and James Reid and Matteo Guidicelli in Penduko.

Nagbabago ang casting ng pelikula o TV project sa iba’t ibang kadahilanan.

Si Shido Roxas ang original choice na magbida sa pelikulang Lockdown (2021). Kaso, hindi niya kayang mag-frontal nudity.

Nagpa-audition ang production, at si Paolo Gumabao ang napili ng direktor na si Joel Lamangan, maging ng mga kasama sa screening committee.

Read: Paolo Gumabao no reservations in daring scenes: “Ibigay mo na yung lahat.”

shido roxas paolo gumabao lockdown

Shido Roxas (left) and Paolo Gumabao

Si Kokoy de Santos ang original choice ng producer na si Joed Serrano para maging title role sa pelikulang Anak ng Macho Dancer (2021) na sequel ng Macho Dancer (1988).

Fan na fan kasi noon si Joed ng Pinoy BL series na Gameboys (2020-2021) kung saan isa sa mga bida si Kokoy.

Hindi tinanggap ng kampo ni Kokoy ang project. Nagpasya si Joed na ipalit sa role si Miko Pasamonte.

Sa audition para sa papel ng iba pang macho dancer, napansin na malaki ang hawig ni Sean de Guzman kay Alan Paule, ang bida sa Macho Dancer.

Kay Sean na ibinigay ang title role, at kasama pa rin naman sa cast si Miko.

Kokoy de Santos (left) and Sean de Guzman

Si Alan ang gumanap na tatay, at nandun din si Jaclyn Jose na love interest ni Alan sa Macho Dancer.

Nasa sequel din sana si William Lorenzo, pero hindi siya pumuwede kaya pumalit sa cast si Emilio Garcia na iba ang pangalan ng karakter.

Si Ricky Gumera na may pa-frontal nudity rin sa Anak ng Macho Dancer ay second choice din lang. Iyong original choice ay nag-back out dahil hindi raw kayang mag-frontal.

Si Aljur Abrenica sana ang bida sa pelikulang Apag (2023). Naka-set na ang syuting nito nang biglang mag-back out si Aljur. Hindi kasi siya confident na kaya niya iyong Kapampangan dialogues.

Ang ipinalit ni Direk Brillante Mendoza kay Aljur ay si Coco Martin.