Karla Estrada, Daniel Padilla

Nagbigay ng komento si Karla Estrada tungkol sa kalagayan ng anak na si Daniel Padilla.

Ang panayam kay Karla ay in-upload sa YouTube channel ng broadcast journalist na si Bernadette Sembrano.

Panimula ng actress-host:

“Yung anak ko, pinag-usapan naman ng buong daigdig iyan ano. And I always pray that he will be okay,” sagot ni Karla.

“But at the end of the day, yung question na kamusta yung anak ko, kamusta si Daniel, si Daniel lang ang tanging makakasagot ng buo nun.”

Dagdag pa ng Face To Face host, “But ako as a mother, I always pray for the best for my son, para sa mga anak ko, hindi lang kay Daniel, and I always pray na maging better sila.”

Bukod kay Daniel ay may tatlo pang anak si Karla. Ito ay sina Jose Carlito, Margaret, at Carmella.

Karla Estrada's children (L-R) Daniel, Margaret, Carmella, and Carlito

Hiling daw ni Karla na matuto ang mga anak sa kanilang mga pagkakamali at sa mga pagsubok na pinagdadaanan at daranasin pa nila.

“Kasi kailangan mong magkamali para may matutunan ka at para mas maging maayos ka at mabuti kang tao after that.”

DANIEL PADILLA’S PUBLICIZED BREAKUP

Halos anim na buwan na ang lumlipas simula noong kumpirmahin ni Daniel at ng kanyang dating long-time girlfriend at love-team partner na si Kathryn Bernardo ang kanilang breakup.

Nag-post ng magkahiwalay na statement ang dalawa noong November 30, 2023.

Nabaling kay Daniel ang sisi sa nangyaring hiwalayan dahil diumano ay nagkaroon ito ng affair sa aktres na si Andrea Brillantes.

 

Bukod pa diyan ang pagdikit sa pangalan ng aktor sa iba pang mga babae, dahilan para isipin ng marami na nakikipagrelasyon ito nang palihim kahit na may girlfriend na ito.

Sa kabila ng mga batikos ay pinili ni Daniel na manahimik, samantalang namamayagpag naman ang karera at tila maging ang personal life ni Kathryn base sa nakikita ng publiko sa social media.

CONTINUE READING BELOW ↓

Kris Bernal realized a VERY IMPORTANT matter for moms | PEP Interviews

KARLA ESTRADA: ‘EVERYONE MAKES MISTAKES’

Bilang ina ay lagi lang daw siyang nakaalalay sa mga anak at nakikinig sa mga hinaing at saloobin ng mga ito.

“Nandito lang ako lagi sa likod ni DJ [palayaw ni Daniel] if ever tawagan niya ko at gusto niya kong makausap,” pahayag ni Karla.

“It’s an exercise for my children na hindi dapat sila agad nakatanghod sa akin tuwing meron silang problema. Kasi ang tinuro ko sa mga anak ko, puwede tayo madapa puwede tayo masaktan and just learn from it. Matuto lang tayo diyan kasi hindi puwedeng tumigil ang buhay.”

Sinabi rin ni Karla na walang perpektong tao at “lahat nagkakamali” maging ano man ang edad, estado, at katayuan nito sa buhay.

“Magsisingkuwenta na ako ngayon, hindi pa rin perfect ang buhay ko. Araw-araw may pagkakamali pa rin tayo,” himutok ni Karla.

Importante rin daw na marunong ang isang tao magpatawad para mabawasan ang bigat na dinadala nito sa puso.

Saad ni Karla, “Bago ka matulog, magpatawad ka. Humingi ka ng tawad, magpatawad ka. Ipagdasal mo yung mga taong nagagalit sa iyo.

“Sa akin pag sinabing, ‘Hindi naman totoo iyan, ba’t mo ipagdarasal?’ Minumura ka araw-araw sa social media, tinatawag ka nang ano-anu, pati mga anak mo nasasali, di ba? Hindi ko na problema yun.”