Ito ang unang Pasko na magkakasama ang rumored sweethearts na sina Kyline Alcantara at Kobe Paras, at kabilang sa gustong malaman ng kanilang supporters ay kung ano ang nasa Christmas wish list nila pareho.

Magkahalong biro at seryosong tugon ng 26-year-old na si Kobe, “Well, house and lot lang naman po ang gusto ko. Ha-ha-ha!

“Ano, hindi pa naman po. I just hope na makasama ko ang parents ko. I know my mom is busy in Europe, and my dad is busy with the side of his family.”

May sari-sariling pamilya na ang magulang nila ng kuya niyang si Andre na sina Jackie Forster at Benjie Paras.

“I just hope na makasama ko sila, but if not, I’ll be with Kyline and her family who’s very special to me,” patuloy ni Kobe.

Sagot naman ng 22-year-old Kapuso actress na si Kyline tungkol sa kanyang Christmas wish, “Ah, wish list? Wala po, e.

ADVERTISEMENT – CONTINUE READING BELOW ↓

“Actually, hindi po ako gumagawa ng list tuwing Pasko. Kung meron man pong magregalo o wala, it’s okay.

“Love and prayers na lang po,” nakangiti pang sambit ni Kyline.

Nabanggit ni Kobe na kung hindi nito makakasama ang sariling pamilya sa darating na Pasko ay baka kina Kyline na lang ito maki-Pasko. Ano ang masasabi rito ni Kyline?

Nakangiting tipid na sagot niya, “Opo! Wow!

“Nandiyan si Papa, o!” sabay turo ng aktres sa ama na hindi kalayuan ang kinaroroonan sa kanya. Tila pahiwatig na dapat humingi muna ng permiso mula rito kung puwedeng sa kanila nga mag-Pasko si Kobe.

Nakapanayam ng PEP.ph (Philippine Entertainment Portal) sina Kyline at Kobe sa giant Christmas tree lighting ceremony sa San Jose del Monte City, Bulacan, noong November 11, 2024. Inimbitahan sila nina Mayor Arthur Robes at Congresswoman Rida Robes bilang celebrity guests sa nasabing event.

Kobe Paras and Kyline Alcantara at the giant Christmas tree lighting ceremony held in San Juan del Monte, Bulacan. With them in the photo are Mayor Arthur Robes (far left) and Congresswoman Rida Robes (far right). 

christmas gift for each other

Isa pang gustong malaman ng fans nina Kyline at Kobe ay kung ano ng magiging Christmas gift nila sa isa’t isa.

Pabiro ulit sa sagot ni Kobe, “Kasasabi ko lang po na house and lot.

“Pero, kung hindi talaga kaya yun, okey lang ako sa kotse… ikaw?” sabay kantiyaw kay Kyline na tatawa-tawa sa tabi niya.

Biro rin ni Kyline, “Hayun, house, and lot din.” Sabay bawi, “Wala po. Wala. Hindi ko pa po iniisip.

“At kung meron man po, ba’t ko sasabihin sa kanya?”

Biglang singit naman ng basketball player, “Ay actually, ang gusto ko sana ay magluto si Ky para sa akin.”

Ky ang palayaw ni Kyline.

“Pero kung ayaw, mag-Grab [food] na lang kami, o kung di, Food Panda.”

Singit din ni Ky, “Give love.”

What are their Christmas gifts for each other? Kobe Paras and Kyline Alcantara have almost the same answers.