Pinagtatawanan lang ng Kapuso actress na si Sanya Lopez ang hindi mamatay-matay na isyung, diumano, hiwalay na ang nakatatanda niyang kapatid na si Jak Roberto at long-time girlfriend nitong si Barbie Forteza.

Makailang beses nang naisyu ang relasyon nina Barbie at Jak o JakBie, lalo na nang magkaroon ng ka-loveteam si Barbie sa katauhan ni David Licauco.

Nagsimula ito nang kahumalingan ng publiko ang tambalan nina Barbie at David, o mas kilala ngayon bilang BarDa, nang magkapareha sila sa Maria Clara at Ibarra, ang defunct top-rating primetime series ng GMA-7.

Simula nito, nagsunud-sunod na ang mga proyekto nilang magkasama, kabilang na rito ang defunct limited series na Maging Sino Ka Man at ang upcoming movie nilang That Kind of Love at teleseryeng Pulang Araw.

Dahil sa mas madalas nilang pagsasama, may ilang espekulasyon ang lumutang na si Barbie ay hiwalay na kay Jak.

Bagay na paulit-ulit naman nang sinasagot ni Barbie na masaya sila ni Jake at maayos ang kanilang pagsasama.

SANYA REACTS TO BREAKUP RUMORS OF BARBIE AND JAK

Sa panayam ng PEP.ph (Philippine Entertainment Portal) kay Sanya sa Genson’s Distribution Inc. 20th anniversary noong June 7, 2024, nahingan siya ng reaksiyon tungkol sa hindi mamatay-matay na isyu sa hiwalayang Barbie at Jak.

Diin ni Sanya, “Hindi totoo kasi masaya sila.”

Kung tutuusin, natutuwa raw si Sanya sa relasyon ng dalawa dahil nakikita niya kung paano magtulungan ang dalawa na palaguin ang kanilang magkahiwalay na karera.

Aniya, “Ang nakakatuwa pa, parehas silang naggu-grow at nagsusuportahan sila sa isa’t isa.

“Maganda yon kasi parehas silang nagbibigayan. Pero ayun nga, okay na okay sila.”

SANYA FULL SUPPORT TO BARDA

Aware si Sanya na maraming fans sina Barbie at David na pilit silang pinagsi-ship.

Pag-amin pa niya, maging siya ay tagahanga ng dalawa at kinikilig sa chemistry nila on-screen.

Kaya naman ikina-excite at ikinatuwa niyang makakasama ang mga ito sa Pulang Araw.

Bukod sa kanilang tatlo, kasama rin sa cast ng Pulang Araw sina Alden Richards at Dennis Trillo.

(L-R) Sanya Lopez, David Licauco, Barbie Forteza, Alden Richards, and Dennis Trillo lead the powerhouse cast of the upcoming GMA-7 historical action-drama Pulang Araw. 
Photo/s: Screengrab @Netflix YouTube

Sabi ni Sanya, “Support ako sa BarDa, kinikilig din ako sa BarDa kung tutuusin, e.

“And magkakasama kaming apat—si Barbie, David, ako, and si Alden so walang problema.”

Kumusta naman katrabaho ang nobya ng kanyang kapatid?

Sagot ni Sanya, “Same pa rin kung paano kami ni Barbie off-cam. Kahit ito nga lang na Pulang Araw, seryoso yung ginagawa namin, but still, Barbie is Barbie pa rin.

“Kalog pa rin and sweet pa rin. At the same time, parang sister ko na siya, di ba, kung tutuusin. So, ganun pa rin siya as kapatid sa akin.”

JAK AND BARBIE CELEBRATE 7th anniversary

Sa likod ng intriga sa kanilang pagmamahalan, going strong ang relasyon nina Jak at Barbie.

Noong May 19, 2024, ipinagdiwang ng dalawa ang kanilang ikapitong anibersaryo bilang magkasintahan.

Sa kani-kanilang Instagram, nag-post ang magkasintahan ng mga larawang kuha sa kanilang date sa isang ramen house sa Alfonso, Cavite.

Photo/s: @barbaraforteza on Instagram

Mensahe ni Barbie, hindi pa rin siya makapaniwalang ganoon na katagal ang relasyon nila ni Jak.

Nilagpasan daw ni Jak ang kanyang expectations noon sa magiging samahan nila.

ADVERTISEMENT – CONTINUE READING BELOW ↓

Buong mensahe ni Barbie para sa boyfriend: “Happy 7th anniversary, Mahal! @jakroberto (heart emoji).

“You never fail to treat me the way you promised my family you would. Lastly, you love and care for my family more than you should.

“You have raised the bar, my love. I’m so grateful for you.

“Mahal na mahal kita.”

Sa comments section ng post ni Barbie aynag komento si Jak.

Aniya, “Happy 7 years mahal ko! I love you so much (hearts emojis)”

Mabilis itong nireplayan ni Barbie ng, “@jakroberto kung may forever naman, bat di natin subukan (heart emoji) #TeamAndoy”

Samantala, sa hiwalay na Instagram post ni Jake ay ibinahagi niya ang kanyang nararamdaman. Hindi raw siya makapaniwalang pitong taon na ang itinatagal ng relasyon nila ni Barbie.

Pakiramdam daw kasi ay unang anibersaryo lamang nila dahil walang pagbabago si Barbie sa ugali nito mula noon hanggang ngayon.

ADVERTISEMENT – CONTINUE READING BELOW ↓

Sabi ni Jak sa kanyang post, “Happy 7 Years Mahal ko! Pakiramdam ko 1st anniversary parin natin, still the same kung gaano ka ka-sweet and loving sakin!

“Nakapagcelebrate din tayo sa wakas at sobrang enjoy talaga palagi pag kasama ka! I love you so much (hearts emojis) More travels and food trip to us!!!”