Kawawa rin si Karylle, no?

Sya pa ang bina-bash ngayon dahil sa pag-absent nya sa “It’s Showtime” as one of the hosts, nung mag-guest ang X nyang si Dingdong Dantes & wife, Marian Rivera.

Tama naman yung ginawa ni Karylle.
Para sa ikatatahimik na lang ng lahat.

Kahit sabihing matagal na yung namagitang kontrobersya sa kanilang tatlo, magkaka-ilangan pa rin sila kung nagkita-kita sila doon sa show.

Kung may puso lang din sana ang “It’s Showtime” for Karylle, kahit Star Cinema produced ang “Rewind” na pag-aari ng ABS-CBN, na pinu-promote nga ng real life couple as an MMFF entry, sana “It’s Showtime” na ang nakiusap sa ABS-CBN-Star Cinema Management na wag na lang i-guest sina Dingdong at Marian sa “It’s Showtime” for Karylle’s sake.

Bukod sa kailangan din talaga ng “It’s Showtime” ng malalaking artistang guests for their ratings, hindi rin ganung ka-bigstar si Karylle as host ng “It’s Showtime” para mapagbigyan ang ganung hiling, kunsakali.

Hindi naman kase si Vice Ganda si Karylle na reyna ng show na pwedeng idikta ang lahat ng gusto nyang mangyari sa show man o sa Management.

Pati si Zsa-Zsa Padilla, ina ni Karylle, “absent” rin sa “ASAP” nung mag-guest at magsayaw sina Marian at Dingdong.
Sina Martin Nievera at Mai-Mai Entrata lang ang humarap sa very lovely couple.

Nagtago kaya si Zsa-Zsa, kasama ang lahat ng hosts na nakikisimpatya sa kanya?
O, kinunan ang dance number at after interview nina Dongyan separately?

Ibang araw.
Hindi naman LIVE ang “ASAP”.
Baka idinugtong lang sila sa editing.

Tama lang din naman yung ginawa ni Zsa-Zsa na absent sya in Marian & Dingdong’s presence.

Syempre, nanay sya, no?

Kung paano nasaktan si Karylle sa nangyari sa kanila ni Dingdong, mas nasaktan ang nanay, for sure.

Sana dumating ang araw na tuluyan nang maghilom ang sugat, na kaya na nilang harapin ang isa’t isa nang nakangiti at wala na ni katiting na sakit at kirot sa puso.

Kahit saan, sa kahit anong pagkakataon…