Mainit na pinag-uusapan ngayon ang alitan sa pagitan ng world-class gymnast na si Carlos Yulo at ng kanyang ina, na humantong pa sa pagkakabunyag ng kanilang isyu sa publiko.

Sa gitna ng kontrobersyang ito, naglabas ng matinding saloobin si Vice Ganda, isang kilalang TV host at komedyante. Ayon kay Vice, ang ugat ng problema ay nasa ina ni Carlos, na diumano’y siniraan pa ang sariling anak sa media, dahilan kung bakit naapektuhan na ang mga endorsements at imahe ng atleta.

“Kung ako ang magulang, masaya na lang ako sa mga nakamit ng anak ko,” ani Vice Ganda. Para sa komedyante, dapat ay suportado ng magulang si Carlos, lalo na sa kanyang mga tagumpay. Ngunit taliwas dito, ipinahayag umano ng ina ni Carlos na sana ay hindi na manalo ang kanyang anak sa mga kompetisyon dahil hindi naman mapupunta sa kanya ang premyong pera. Ito ang dahilan kung bakit maraming netizens ang nagulat at nalungkot sa ganitong pahayag mula sa ina ng atleta.

Dagdag pa ni Vice, nasa tamang edad na si Carlos para pamahalaan ang sarili niyang buhay at pera. Kung totoo mang ginastos ng ina ni Carlos ang kanyang pera, nararapat na nagpaalam ito. Maraming netizens ang naniniwalang maaaring naimpluwensiyahan si Carlos ng kanyang kasintahan, kaya’t nagkaroon ng lamat ang relasyon nila ng kanyang pamilya.

May ilan ding nagkomento na dapat iprayoridad ni Carlos ang kanyang pamilya. Ayon sa kanila, walang perpektong pamilya at anumang problema ang nararanasan nila ay dapat maayos sa pribadong paraan. “Kung wala ang magulang mo, wala ka rin sa kinalalagyan mo ngayon,” sabi ng ilang netizens na nagpapayo kay Carlos na ibalik ang respeto sa kanyang mga magulang at huwag basta-basta pabayaan ang relasyon sa kanila.

Sa gitna ng isyung ito, marami rin ang nagpapaalala kay Carlos na tularan ang ibang atleta tulad ni Manny Pacquiao, na kilala sa kanyang pagiging mapagmahal at magalang sa kanyang mga magulang. Habang patuloy na umiikot ang isyu, umaasa ang marami na magkakaroon ng pagkakaayos si Carlos at ang kanyang pamilya upang maiwasan ang karagdagang kontrobersya at tuluyang mapanatili ang kanyang magandang imahe sa publiko.