Kung hindi siguro naniniwala ang marami na may ‘unuwaan’ ang KimPau, maaari sigurong sabihin ng ilan na nanganganib si Paulo Avelino na masungkit ng iba si Kim Chiu.

Viral ang isang video ni Kim sa airport ng Auckland New Zealand kung saan pinagkaguluhan ang Kapamilya star ng ilang male locals doon.

Mapapanood sa video na nagpakuha ng photo op ang dalawang white guy kay Kim, na tuwang-tuwa sa kanilang opportunity.

Bukod sa may itsura ang dalawang guy, napakatangkad pa ng mga ito.

Lumalabas na hindi lang sa mga Pinoy sikat si Kim, kundi nakikilala rin ito ng ibang mga foreigners.

Sabi nga sa subtitle ng photo ni @mags27197cclo, “Ivaaaahhh talaga ang isang Kim Chiu”.

Siguradong marami pang mga New Zealander ang uungot ng photo op kay Kim at siguradong marami sa mga ito ang nagnanais na pormahan ang aktres.

Pero syempre, naniniwala ang maraming netizen na may naiwang “puso” si Kim sa Pinas at yun ay kay Paulo.

Samantala, sinalubong si Kim ng mga Pilipino sa airport at pati na ang kanilang fandom ni Paulo, ang KimPau na bitbit pang banner. (Rey Pumaloy)